amalinks wokungena

Breaking News

Amabandla Ezombusazwe eZimbabwe Anxuswa Emkhosini weANC Centenary Celebrations Kwele Sout Africa


Ibandla elibusayo kwele South Africa ele African National Congress (ANC) libikwa selinxuse amanye amabandla ezombusazwe kwelezimbabwe emkhosini walo wokuthakazelela iminyaka elikhulu labunjwayo, i-Centenery Celebrations. Lumkhosi uzaqhutshelwa e Bloemfontein, e Free State kulelolizwe kusukela ngolweSihlanu.

Ibandla elibusayo kwele South Africa ele African National Congress (ANC) libikwa selinxuse amanye amabandla ezombusazwe akweleZimbabwe emkhosini walo wokuthakazelela iminyaka elikhulu labunjwayo, i-Centenery Celebrations. Lumkhosi uzaqhutshelwa e Bloemfontein, e Free State kulelolizwe kusukela ngolweSihlanu.

Icele le MDC elikhokhelwa nguMnu. Morgan Tsvangirai lalo linxusiwe kulumkhosi, njalo lithi lokhu ngokwakuqala ukuthi linanzwe emkhosini we ANC, yona ebikwa iqakathekisa amabandla ayephatheke kuzimpi zokuthola uzibuse emazweni awo; njengebandla le ZANU PF.

Ibandla leZAPU lithi linxusiwe kulumkhosi, kukanti icele le MDC elikhokhelwa nguMnu. Welshman Ncube lithi alikayiboni incwadi yokulinxusa. Ibandla leZANU PF libikwa lisithi lalo alikemukeli incwadi efanayo.

Ibandla leANC, ekhokhelwa ngumongameli wele South Africa uMnu. Jacob Zuma, ongumlamlankunzi kungxabangxoza eseZimbabwe, lisanda kucunula amabandla akuhulumende womanyano ngokuthi lisekela umongameli Robert Mugabe njengomkhokheli we ZANU PF njalo lizamncedisa kukhetho oluzayo ukuthi anqobe.

UNkosazana Thabitha Khumalo, isikhulumi secele leMDC elikhokhelwa nguMnu. Morgan Tsvangirai utshele uSithandekile Mhlanga weStudio 7 ukuthi ibandla lakhe lihlonitshiwe ngokunxuswa yi ANC.

XS
SM
MD
LG