Ibandla leZANU PF lithi umkhokheli walo uMongameli Robert Mugabe, okukhefu emazweni angempumalanga, kasoze abekhona emkhosini owebandla elibusayo kweleSouth Africa, ele African National Congress-ANC oqalisa ngolweSihlanu wokuthakazelela iminyaka elikhulu i-ANC yabunjwayo.
Ibandla le ANC lithi inkokheli yamanye amazwe angamatshumi amane lasithupha, 46, sebegcizelele ukuthi bazabakhona kulumkhosi. Amanye amabandla akulumkhosi licele le MDC elikhokhelwa nguMnu. Morgan Tsvangirai kanye lebandla le ZAPU.
UMnu. George Charamba, isikhulumi sikaMongameli Mugabe, wethule umbiko othi ezinye iziphathamandla zalelibandla zizakhapha umsekeli kamongameli, uNkosikazi Joyce Mujuru, ukuthi ammele kulumkhosi.
Isiphathamandla sebandla leZANU PF uMnu. Didymus Mutasa usanda kusola ibandla le ANC esithi ngabe lincedise eleZimbabwe ukuxazulula ingxabangxoza ebise Libya kanye leDemocratic Republic of Congo.
Ukuze sihlaziye loludaba, uSithandekile Mhlanga weStudio 7 uqale ngokubuza uMnu. Effie Dlela-Ncube, ingcwethi ecubungula ezombusazwe imbono yakhe ngenyathelo likaMongameli Mugabe.