Omunye wabagcinisihlalo be Constitutional Parliamentary Committee uyalandula imibiko ephume kwamanye amaphephandaba yokuthi uhlelo lokungena ebantwini kuthathwa imibono kazulu ekulotshweni kwesisekelo sombuso esitsha solumisiwe okwesikhatshana.
UMnumzana Douglas Mwonzora utshele iStudio 7 ukuthi uhlelo lolu alumiswanga kodwa kumiswe izifundo zalabo abazafaka ndawonye imibono kazulu, ama facilitators, ebezimele ziqhutshwe Ngomvulo.
UMwonzora uthi uhlelo lokulotshwa kutsha kwesisekelo sombuso luqhubeka kuhle laloba kulezikhubeko ezincinyane lapha lalaphaya.
UNkosazana Thabitha Khumalo ngumsekeli wesikhulumeli secele leMDC elikhokhelwa nguMnumzana Morgan Tsvangirai. UNkosazana Khumalo utshele uBrenda Moyo oweStudio 7 ukuthi ibandla leMDC lilethemba lokuthi uhlelo lokulotshwa kwesisekelo sombuso esitsha luzahamba ngendlela ezasuthisa abanengi.
