amalinks wokungena

Breaking News

Amacele eMDC Awasoze Amanyane Phambilini Kokhetho: Welshman Ncube


Umkhokheli welinye lamacele eMDC, UMnu. Morgan Tsvangirai uthi kumele amacele womabili amanyane

Umkhokheli welinye lamacele eMDC, uMnu. Morgan Tsvangirai, uthi amacele eMDC alakho ukumanyana phambilini kokhetho nxa kungaba lokukhulumisana. UTsvangirai wethule limbiko ngeSonto eGokwe emkhankasweni wokunanza iminyaka elitshumi lanye yokubunjwa kwe MDC. UTsvangirai ubikwa etshele umbuthano wangeSonto ukuthi balakho ukusebenzelana lecele elikhokhelwa nguMnu. Arthur Mutambara esithi ukwehlukana kwabo kwakuliphutha.

UTsvangirai utsho lokhu sekusiba mngceke ukuthi ukhetho lokudinga umongameli lulakho ukwenziwa ngomnyaka ozayo. Ingcwethi kwezombusazwe zithi nxa amacele womabili eMDC engamanyananga ibandla leZanu PF lilakho ukungqoba loba ukwenelisa ukuthola amavoti azabangela ukuthi kwenziwe olunye njalo okhetho lwe run-off. Kodwa unobhala jikelele wecele elikhokhelwa nguMnu. Mutambara, uMnu. Welshman Ncube uthi akuthembisi ukuthi amacele womabili engasebenzelana ngoba elemibono ehlukeneyo.

XS
SM
MD
LG