Umanisipala wakoBulawayo uthi izakhamizi zalelidolobho zimele zikhangelele ukuvalwa kwamanzi njengendlela yokuwalondoloza kulandela ukusilela kwawo emadamu. Isiphathamandla esibona ngezamanzi, uMnu. Simela Dube utshele intathelizindaba ngolweSine koBulawayo ukuthi bazakhweza imbadalo yamanzi ukwenzela ukuthi izakhamizi zilondoloze amanzi.
UDube uthe phakathi kwamadamu amahlanu amabili yiwo wodwa asesele lamanzi. Umeya walelidolobho, uMnu. Patrick Thaba Moyo, uthi bazazama ngazo zonke indlela ukuthi uzulu angakhathazwa yikusilela kwamanzi ngokusebenzisa lezikotsho.