Udubo lokuswelakala kwamafutha ephethulo luqhubekela phambili elizweni ngoba inkampani ye National Oil Company of Zimbabwe ithi ayilamali eneleyo yokuthenga la amafutha njalo amafutha avelela e Beira kwele Mozambique le South Africa ayaphuza ukufika elizweni.
Umpathintambo obona ngezamandla kagetsi, uMnu. Elton Mangoma ubikwa esithi izigaba ze Matabeleland ezigoqela i-Bulawayo, Plumtree, Victoria Falls, le Gwanda yizo ezibhekane laloludubo kakhulu ngoba bezithembe amafutha avelela eSouth Africa.
UMnu. Abednico Bhebhe, oke wamela iNkayi edale lephalamende njalo engumnini garaji lephethulo, utshele uSithandekile Mhlanga we Studio 7 ukuthi kwesinye isikhathi, ibhizimusi yakhe iyahlala okwamalanga amabili kungela mafutha.