amalinks wokungena

Breaking News

Amagqwetha Amele Amalunga eMDC Ekhokhelwa NguMnu. Welshman Ncube Asentolongweni Acela Umthethwandaba Ophezulu Ukuthi Ubakhulule Ngesibambiso SeBail


UMnu. Matshobana Ncube, elinye lamagqwetha amele ababotshiweyo, utshele iStudio 7 ukuthi umantshi uMnu. Tawanda Muchemwa izolo uphikisane lesixwayiso sikamtshutshisi uMnu. Dumisani Moyo esokuthi abalitshumi laba bakhululwe ngesibambiso se bail, wathi kumele bahlale entolongweni baze bamiswe njalo phambi komthethwandaba kamantshi ekuqaleni kwenyanga ezayo.

Amagqwetha amela amalunga alitshumi ecele le MDC elikhokhelwa nguMnu. Welshman Ncube abotshwe ngempelaviki edluleyo koBulawayo, athi aselobele umthwethwandaba waphezulu ekhalaza ukuthi ababotshiweyo bakhululwe entolongweni ngesibambiso se bail, njalo bakhangelele ukuthola impendulo ngolweSine.

UMnu. Matshobana Ncube, elinye lamagqwetha amele ababotshiweyo, utshele iStudio 7 ukuthi umantshi uMnu. Tawanda Muchemwa ngolweSibili uphikisane lesixwayiso sikamtshutshisi uMnu. Dumisani Moyo esokuthi abalitshumi laba bakhululwe ngesibambiso se bail, wathi kumele bahlale entolongweni baze bamiswe njalo phambi komthethwandaba kamantshi ekuqaleni kwenyanga ezayo.

Ababotshiweyo laba betheswa icala lokujikela amaphetshana okukhankasela ibandla labo egumeni lendlu yeState House eSaurcetown koBulawayo, njalo bayaliphika icala labo, kukanti amagqwetha abameleyo athi isenzo esinje asisocala lanxa kuyikuthi bengabe besenzile.

UMnu. Edwin Ndlovu isiphathamandla secele le MDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi abalitshumi laba bavalelwe ejele le Khami Remand Prison njalo balamanxeba akhomba ukuthi batshaywa kubi ngamapholisa.

XS
SM
MD
LG