amalinks wokungena

Breaking News

Amagqwetha E-Abammeli Human Rights Network Aqalisa Ukumela Amalunga eMthwakazi Liberation Front eMthethwandaba


Inhlanganiso yamagqwetha eye Abammeli, ehlubuke kweye Zimbabwe Lawyers for Human Rights ngeviki edluleyo ithi iqalisile ukumela amalunga amathathu awenhlanganiso yeMthwakazi Liberation Front, etheswa icala lokuzama ukugenqula uhulumende, ngoMvulo.

Umthethwandaba waphezulu udlulisele phambili ilanga lokunquma ukuthi abathathu laba bazaphuma ngesibambiso se bail entolongweni kumbe hatshi.

Umthethwandaba ubikwa ubugcwele okwesabekayo ngoMvulo abantu befuna ukuzozizwela ngezabo indlebe, ngecala labathathu laba. Ngeviki edluleyo amapholisa abikwa aze achitha ixuku labantu abakade bezolalela icala elifanayo ngoba bebanengi kakhulu.

UMnu. Kucaca Phulu, elinye lamagqwetha amela laba bantu, utshele uSithandekile Mhlanga weStudio 7 ukuthi lanxa bengavumelani lenhloso ye Mthwakazi Liberation Front, wonke umuntu kufanele amelwe ligqwetha emthethwandaba.

XS
SM
MD
LG