amalinks wokungena

Breaking News

Amakholwa Esonto yeAnglican Amangaliswa Yinhlonipho Ezaphiwa Umkhokheli Wabo


Umkhokheli wenkonzo yeanglican, u Archibishop of Cantebury u Dr Rowan Williams ukhangelelwe ukuza elizweni ngeSonto

Uhulumende we Zimbabwe ubikwa ezanikeza umkhokheli wenkonzo yeAnglican emhlabeni jikelele, u Archibishop of Cantebury u Dr Rowan Williams inhlonipho yokuba yisethekeli esihloniphekayo idiplomatic priviledges lapho esethekela eZimbabwe ngeSonto. Leli nyathelo limangalise icele leAnglican elikhokhelwa nguBishop Chad Gandiya ngoba uMongameli Mugabe esekela elinye icele le Anglican elikhokhelwa nguNobert Kunonga.


Umkhokheli welinye lamacele e- Anglican eZimbabwe u Bishop Chad Gandiya utshele i Studio 7 ukuba umkhokheli wenkonzo yakhe emhlabeni jikelele uArchibishop of Cantebery uza kuleli evelela kwele Malawi lapho abekade enxunswe khona emkhosini wokunanza iminyaka elikhulu lamatshumi amahlanu linkonzo isungulwe.

U Bishop Gandiya uthi isizatho esikhulu sokuza kuka Dr. Williams eZimbabwe yikuzafunda lokubona ukuba abalandela lelibandla leAnglican liqhuba njani. U Bishop Gandiya uthi njalo uDr Williams uphiwe inhlonipho ephezulu okuyinto emangalise yena labalandeli bokholo lwe Anglican eZimbabwe ngoba uWilliams lenye inkokheli yeAnglican sebeke batshengisa ukukhathazeka ngendlela uMongameli Mugabe aphatha ngayo udaba lwesonto ye Anglican.

Kunjalo nje, amakholwa esonto ye Anglican athi kawathembi ukuthi uhambo luka Archbishop Williams luzaphathisa ukulungisisa udaba lwengxabangxoza aphakathi kwalisonto. Omunye wamakholwa la, uMnu. John Masuku utshele iStudio 7 ukuthi okungaphathisa yikuthi uDr Williams atshele uMongameli Mugabe iqiniso elenzakala esontweni le ngoba ekhanya esazi akutshelwa licele elikhokhelwa ngu Bishop Kunonga.

XS
SM
MD
LG