WASHINGTON DC —
Umphathintambo wezokuthwala uMnu. Obert Mpofu uthi amakhombi kawasoze avalwe njengalokho okukhulunywa ngabanye kodwa uthi azazisusa wodwa emgwaqweni ngemva kokusungulwa kohlelo lokwengezelela amabhasi athwala abantu abanengi.
UMpofu ubeseenza imihlangano labanini labatshayeli bamakhombi koBulawayo njalo ukhangelelwe ukuhlangana labosowabo eHarare kuyonale iviki. KoBulawayo umanisipala ubikwa esehlele uhlelo lwamabhasi azasebenza kulelidolobho kunyanga ezimbalwa ezilandelayo.
Uhlelo lolu luthi uhulumende nguye ozakupha imvumo abazaba lamabhasi la athwala abantu abedlula amatshumi amabili lasikhombisa. Njalo loluhlelo luzanquma ukuba umtshayeli webhasi kuzamele abe leminyaka engamatshumi amathathu lanhlanu, 35 years. Uqhubeke ethi loluhlelo luzafana lolwenzakala kuze kususwe imota zohlobo lwe Peugeot 404s le 504s ezazisetshenziswa kuminyaka embalwa edluleyo.
UMpofu utshele uChris Gande weStudio Seven ukuba loluhelo lukhangelelwe ukwehlisa kakhulu inani lengozi zomgwaqo esezibhahile elizweni.
Kodwa abanini bamakhombi bathi kabavumelani lohlelo lolu ngoba uMnu. Mpofu engabaphanga ithuba lokwethula imbono yabo. UChris Gande uxoxe lomunye wabanini bamakhombi, uMnu. Lehlo Mukwena.
UMpofu ubeseenza imihlangano labanini labatshayeli bamakhombi koBulawayo njalo ukhangelelwe ukuhlangana labosowabo eHarare kuyonale iviki. KoBulawayo umanisipala ubikwa esehlele uhlelo lwamabhasi azasebenza kulelidolobho kunyanga ezimbalwa ezilandelayo.
Uhlelo lolu luthi uhulumende nguye ozakupha imvumo abazaba lamabhasi la athwala abantu abedlula amatshumi amabili lasikhombisa. Njalo loluhlelo luzanquma ukuba umtshayeli webhasi kuzamele abe leminyaka engamatshumi amathathu lanhlanu, 35 years. Uqhubeke ethi loluhlelo luzafana lolwenzakala kuze kususwe imota zohlobo lwe Peugeot 404s le 504s ezazisetshenziswa kuminyaka embalwa edluleyo.
UMpofu utshele uChris Gande weStudio Seven ukuba loluhelo lukhangelelwe ukwehlisa kakhulu inani lengozi zomgwaqo esezibhahile elizweni.
Kodwa abanini bamakhombi bathi kabavumelani lohlelo lolu ngoba uMnu. Mpofu engabaphanga ithuba lokwethula imbono yabo. UChris Gande uxoxe lomunye wabanini bamakhombi, uMnu. Lehlo Mukwena.
