Ikhomidi yedale lephalamende ebona ngezempilakahle inxuse iziphathamandla zogatsha lwezempilakahle ukuthi zizochasisa imbangela yokumemetheka komkhuhlane wendingindi ngolweSibili.
Indingindi isihlasele abantu abedlula inkulungwane ezintathu yabulala phose amakhulu amathathu, ngengokubika kwenhlangansio ye World Health Organisation.
Ikhomidi yephalamende ebona ngezempilakahle iqonqosele ukuthi abantwana babazali abangena isonto zesipositoli labo kumele bahlatshwe amajekiseni okuvikela imikhuhlane.
Kunjalo nje kulemibiko ethi kulabantwana ababulewe yindingindi abalitshumi lambili esigabeni seBuhera kumaviki amabili edluleyo. Inhlanganiso ezigoqela eye UNICEF, W-H-O lezinye zimanyene logatsha lwezempilakahe zikhangelelwe ukusungula uhlelo lokungena ezigabeni zonke zelizwe kuhlatshwa abantwana amajekiseni okuvikela imikhuhlane ebulala abantwana egoqela indingingi ngenyanga kaNkwenkwezi.
UBrenda Moyo weStudio 7 ukhulume loNkosazana Chipo Tonde isiphathamandla se UNICEF okhuthaza abazali bonke elizweni ukuhlabisa abantwana amajekiseni okuvikela imikhuhlane.
Amalunga Edale Lephalamende Abuzisisa Iziphathamandla Zezempilakahle Ngomkhuhlane Wendingindi
