amalinks wokungena

Breaking News

Kukhuzwa Amalunga Edale Lephalamende Ukuthi Aziphathe


Umlawuli wedale lephalamende uMnumzana Lovemore Moyo usole kakhulu isehlakalo seviki edluleyo lapho amalunga e MDC lawe ZANU PF aphose atshayana kubangwa udaba lwezijeziso ezafakelwa uMongameli Robert Mugabe labanye bakhe.

Lesisehlakalo sibangele ukumiswa komsebenzi walelidale kancane. UMoyo uqonqosele ukuthi inkokheli yamabandla kumele ikhuze amalunga ayo ahloniphe leli dale, ngoba engaqhubeka engaziphathi, idale lizathatha amanyathelo aqinileyo.

NgolweSibili ibandla leMDC lifake isicelo edaleni lephalamende sokuthi kukhethwe ikhomidhi ezacubungula udaba lobudlwangu dlwangu obenzakale ngesikhathi sokhetho luka 2008, olunye njalo udaba olulakho ukuvusa ukuxokozela kulelidale.

UBrenda Moyo oweStudio 7 uxoxe lengcwethi ecubungula ezombusazwe uMnumzana Walter Nsununguli Mbongolwane othi amalunga edale lephalamende awazimiselanga ukusebenzela uzulu weZimbabwe.

‚Äč
XS
SM
MD
LG