Kulamalunga edale lephalamende akwele Bhilithani ayithoba minwe mibili afike eHarare ngoMvulo ukuyahlaziya inhlelo zentuthuko eziqhutshwa nguhulumende weBhilithani eZimbabwe.
Okhokhela iqula lamalunga la, uMnumzana Malcolm Bruce uveze ukuthi iqula lakhe alisoze liphathe ezombusazwe. Ugcizelele njalo ukuthi iziphathamandla zeZanu PF kumele zigcwalise isivumelwano seGlobal Political Agreement nxa zifuna i European Union yesule izijeziso.
Kunjalo nje, icele leMDC elikhokhelwa nguMnumzana Morgan Tsvangirai selethese ibandla leZanu PF umlandu wokuzama ukubhidliza uhulumende womanyano.
Embikweni awethule ngoLwesibili unobhala jikelele webandla leli uMnumzana Tendai Biti uthe iZanu PF sitshengise ukuthi ayifuni ukuthi uhulumende aphumelela, wathi njalo nxa uhulumende ebhidlika, kabhidlike kwenziwe ukhetho olutsha.
