Amalunga phose angamatshumi amabili balimele kudlakela olwenzakale eMbare izolo. Omunye wama councillor e bandla le MDC elikhokhelwa nguMnu. Morgan Tsvangirai kanye labanye bakhe abayisithupha ababotshwe ngoMvulo, balokhu besezandlani zamapholisa.
Kusenjalo, uMnu. Piniel Denga omela iMbare edale lephalamende njalo ekucele le MDC elikhokhelwa nguMnu. Morgan Tsvangirai utshele iStudio 7 ukuthi udlakela oluseMbare ludalwa yikubangelana indawo zokuthengisela emikambo yama Flea Market akulindawo, ngoba esabiwa yikhansili elamalunga amanengi ebandla lakhe.
Kodwa uMnu. Denga uthi amakhansila ebandla lakhe alandela umthetho wekhansili nxa esaba indawo zokuthengisela lezi.
UMnumzana Sam Sipepa Nkomo, obona ngokwenzakala phakathi kwelizwe kulelibandla utshele uSithandekile Mhlanga weStudio 7 ukuthi kuyadanisa ukubona amapholisa engabophi okuyiboo abadale loludlakela.