Amalunga enhlanganiso yeWOZA afika phose inkulungwane eyodwa afole ezitaladeni zedolobha lakoBulawayo enanza ilanga lokunanza abalwela ilungelo labomama, i International Women Human Rights Defenders’ Day.
Inhlanganiso le ibitshengisela njalo ifuna ukuthi kwazakale imibono kazulu ebuthelelwe ngesikhathi kuthathwa imibono ezangena kusisekelo sombuso esitsha.
Ekutshengiseleni kwangoMvulo akula obotshiweyo kodwa elinye ipholisa libikwa lihlukuluze umkhokheli weWoza uNkosikazi Jenny Williams. UChris Gande weStudio 7 uxoxe lesinye isiphathamandla salinhlanganiso, uNkosazana Magodonga Mahlangu ukuze sizwe okwenzakaleyo.
