amalinks wokungena

Breaking News

Amalunga eWOZA Afola EHarare Esola Ukwephulwa Kwamalungelo Abantu


Amalunga enhlanganiso yeWOZA afole edolobheni le Harare, atshiya ugwalo olutshengisa imbono yawo ngohlelo lokulotshwa kwesisekelo sombuso esitsha kusakhiwo sephephandaba le The Herald kanye lephalamende.

Umkhokheli walinhlanganiso, uNkosikazi Jenni Williams, wethule izikhalazo zalinhlangansio phambi kwesakhiwo sephalamende, ezigoqela ukunanzwa kwamalungelo abesifazane lawabantwana, kanye lokuthi kube lokhetho olukhululekileyo.

Amalunga eWoza abe hlabela etshengisa ukuqakatheka kwembono yabesifazane kusisekelo sombuso esitsha. UNkosikazi Williams uthi bona njengeWoza bafuna kukhethwe umongameli oleminyaka engaphansi kwamatshumi ayisithupha lanhlanu, kanye lokuthi engavunyezwa ukubusa okweminyaka edlula elitshumi.

UNkosazana Magodonga Mahlangu, isiphathamandla seWOZA, utshele istudio 7 ukuthi amapholisa ohlobo lwe anti-riot kawabahlukuluzanga, njalo kusobala ukuthi amalunga enhlanganiso yakhe ancedwe lilunga le COPACc, elemukele ugwalo lwabo ephalamende.

‚Äč
XS
SM
MD
LG