amalinks wokungena

Breaking News

Amalunga EZimbabwe Media Commission Asengaqala Umsebenzi


Umongameli Robert Mugabe usevumile ukuthi abakhethwe ukukhokhela iZimbabwe Media Commission bathathe izikhundla zabo.

Umgcinisihlalo wayo nguMnumzana Godfrey Majonga owake wasebenza emskazweni we ZBC, umsekeli wakhe kunguNkosazana Nqobile Nyathi oke waba ngumhleli wephephandaba le Daily News elavalwayo.

Amanye amalunga alikhomishini nguMnumzana Christopher Mutsvangwa oke wakhokhela umsakazo we ZBC njalo engowebandla le ZANU PF, igqwetha uMnumzana Chris Mhike, intathelizindaba uMathew Takaona, uMnumzana Henry Muradzikwa laye oke wakhokhela iZBC.

Abanye nguNkosikazi Millicent Mombeshora ovela kubhanga elikhulu lesizwe i Reserve Bank of Zimbabwe , intathelizindaba uNkosikazi Miriam Madziva loMnumzana Lawton Hikwa obelilunga leboard ye Zimpapers.

Umgcinisihlalo wenhlanganiso ye Media Institute of Southern Africa-MISA, uMnumzana Loughty Dube otshele u Brenda Moyo weStudio7 ukuthi inhlanganiso yakhe laloba ijabulele ukubekwa ezikhundleni kwabosikomitshi be Zimbabwe Media Commission idideke ingqondo ngoba i Commission le ingelamali yokuqala umsebenzi njalo kulokhe kungakacaci ukuthi izasebenza ngaphansi kwawuphi umthetho.

Okuhambelana lalokhu

‚Äč
XS
SM
MD
LG