amalinks wokungena

Breaking News

Amalungiselelo Omhlangano WeConference YeZANU PF KoBulawayo Asefika Emaphethelweni


Isiphathamandla se bandla leZANU PF uMnu. Didymus Mutasa usegcizelele ukuthi ibandla lakhe lifuna ukuthi umongameli Robert Mugabe kube nguye okhokhela lelibandla impilo yakhe yonke njalo amanye amalunga alelibandla afuna ukuphikisa lumbono ngokukhankasela ukuthi umhlangano we conference ngeviki ezayo koBulawayo ubeyi congress akhohlwe.

Isiphathamandla se bandla leZANU PF uMnu. Didymus Mutasa usegcizelele ukuthi ibandla lakhe lifuna ukuthi umongameli Robert Mugabe kube nguye okhokhela lelibandla impilo yakhe yonke njalo amanye amalunga alelibandla afuna ukuphikisa lumbono ngokukhankasela ukuthi umhlangano we conference ngeviki ezayo koBulawayo ubeyi congress akhohlwe.

Lokhu kwenzakala lanxa inengi lisithi kusobala ukuthi uMugabe kaphilanga njalo usegugile, kukanti ukukhankasela ukhetho oluzayo kungamdinisa.

Amalungiselelo omhlangano weconference lo abikwa esefike emaphethelweni njalo isiphathamandla samapholisa ko Bulawayo uAssistant Commissioner Christopher Gora usethembise ukuthi amapholisa azabe ekhona ngobunengi bawo, waxwayisa abantu ukuthi bengathwali induku, amahloka, ingqamu, lezinye izikhali ngalesisikhathi.

UMnu. Rugare Gumbo, isikhulumi sebandla le ZANU PF utshele uSithandekile Mhlanga we Studio 7 ukuthi ipolitburo yalelibandla ibihlangene lamuhla ilolonga amalungiselelo alumhlangano.

XS
SM
MD
LG