amalinks wokungena

Breaking News

Amapholisa Abopha Njalo UMangoma, Adinga UMakone Labanye


UMangoma, ubotshwe ekuseni wahle wahanjiswa emthethwandaba esetheswa icala lokuphazamisa umsebenzi wenkampani kagetsi eyeZESA

Amapholisa eHarare ngoLwesihlanu abophe umphathintambo obona ngenhlelo zamandla kagetsi kanye lezamafutha ezimota uMnu Elton Mangoma okwesibili kulinyanga emethesa umlandu wokungethembeki.

UMangoma, olilunga leMDC ekhokhelwa nguMnu Morgan Tsvangirai, uhle wahanjiswa emthethwandaba esetheswa icala lokungaqhubi kuhle umsebenzi wokuthengwa kwama meter enkampani yeZimbabwe Supply Authority (ZESA).

Amapholisa la abikwa njalo ebedinga omunye wabaphathintambo ababona ngendaba zaphakathi kwelizwe njalo engoweMDC ekhokhelwa nguMnu Tsvangirai uNkosikazi Theresa Makone efuna ukumbopha.

UMakone utshele iStudio 7 ukuthi ekutholeni limbiko, uhle waphuma ehofisini yakhe ekuseni wayacatsha. Wengeze wathi amapholisa ebedinga njalo umeli weGlen View edale lephalamende uMnu Paul Madzore kanye lobengusomlomo walelidale uMnu Lovemore Moyo.

UNkosikazi Makone uthe ukudingwa kwakhe kanye labanye bakhe ngamapholisa kuyindlela yeZanu PF yokwehlisa inani lamalunga eMDC edale lephalamende ngaphambilini kokhetho lokudinga usomlomo ngoLwesibili.

XS
SM
MD
LG