amalinks wokungena

Breaking News

Amapholisa Adingisisa Ngokuchatshiswa Kwabantwana eSouth Africa Ngokungekho Emthethweni


Isikhulumi samapholisa eLimpopo uMnu. Mohale Ramatseba, utshele imisakazo yalelo lizwe ukuthi owesilisa lo ubotshwe egadisa abantwana laba imota egangeni leMusina, wabhadaliswa imali yefayindi wakhululwa, kwathi abantwana babuyiselwa eZimbabwe.

Amapholisa eZimbabwe lawe South Africa abikwa edingisisa ngokungeniswa kwabantwana abafika amatshumi amabili eSouth Africa ngokungekho emthethweni ngowesilisa othi ubethunywe ngabazali balaba abantwana.

Isikhulumi samapholisa eLimpopo uMnu. Mohale Ramatseba, utshele imisakazo yalelo lizwe ukuthi owesilisa lo ubotshwe egadisa abantwana laba imota egangeni leMusina, wabhadaliswa imali yefayindi wakhululwa, kwathi abantwana babuyiselwa eZimbabwe.

Abantwana laba, abaleminyaka ephakathi kowodwa lelitshumi lesithupha babikwa besagcinwe yinhlanganiso yeSave The Children Centre.

Lesi sehlakalo senzakala umfundisi Paul Verryn weSonto ye Methodist elondoloza abangela ndawo zokuhlala eSouth Africa esithi banengi abantwana abavela eZimbabwe abazibuyela bodwa kulelo lizwe bedinga imfundo lempilo engcono.

Ukuze sizwe ingozi ebhekwe yilaba abantwana, uSithandekile Mhlanga we Studio 7 uxoxe loMnu. Godfrey Phiri, olwela ilungelo loluntu.

XS
SM
MD
LG