amalinks wokungena

Breaking News

Amapholisa Ahlasela Isigodlo Secele leMDC, Abopha Amalunga Ambalwa


Lokhu kulandela ukulwisana kwamapholisa labathengisa emgwaqweni yeHarare ngolweSithathu

Amapholisa eHarare ahlasele isigodle secele leMDC elikhokhelwa nguMnu. Morgan Tsvangirai ngolweSine abopha abantu abambalwa. Isehlakalo lesi silandela ukulwisana kwamapholisa labathengisayo emgwaqweni weHarare. Isitolo sebandla leli esithengisa impahla yalelibandla sivaliwe ngemva kokubotshwa kawabasebenza kuso.

Ababotshiweyo laba basiwe enkambeni ye Harare Central. Lanxa bebengaketheswa cala elinye ipholisa elingathandanga ukuqanjwa ngegama litshele iStudio 7 ukuthi ababotshiweyo laba bazakwetheswa icala lokutshaya ipholisa. Ipholisa leli lithi balonda ubufakazi bokuthi ibandla leMDC lithume abasekeli balo ukuthi bazenze abathengisa emigwaweni ngenjongo yokutshaya amapholisa.

Kodwa omunye ukhansila wedolobho leHarare uMnu. Peter Moyo owecele leMDC elikhokhelwa nguMnu. Morgan Tsvangirai utshele uChris Gande weStudio 7 ukuthi okwenziwa ngamapholisa yikuhlukuluza nje kuphela abasekeli bebandla lakhe.

XS
SM
MD
LG