Uskomitshi wamapholisa, uMnu. Augustine Chihuri uthi amapholisa alobufakazi bokuthi kulebandla elingaqanjwanga igama eliqoqa ukugenqula uhulumende womanyano. UChihuri wethule lamazwi emkhosini wokuphetha izifundo zamapholisa enkambeni ye Morris Depot.
UChihuri ugcizelele lamazwi ngembiko ye advert kuphephandaba le The Herald. UChihuri uthi imbiko abalayo ikhomba ukuthi lelibandla, elingekho kuhulumende womanyano, lifuna ukuqala ukutshengisela okufana lokwenzakala e Egypt le Libya eHarare besekusabalala ilizwe lonke. Uskomitshi ugqibe amazwi akhe ngokuthi kaboni okubi ngokuthi yena usekela ibandla leZanu PF.
Ingcwethi ecubungula ezombusazwe, umnu. Bekithemba Mhlanga utshele uChris Gande weStudio 7 ukuthi mpela uChihuri ulelungelo lokusekela ibandla alifunayo kodwa inkinga yikuthi asekele uhlangothi nxa esemsebenzini.