Usibalukhulu wesigaba semasvingo, uMnu. Kudakwashe Bhasikiti ukhuthaza uhulumende ukuthi aphangise aqhelise umgwaqo wesigaba lesi ngoba yiso esilenani eliphezulu elabantu abafe engozini zemota kulumango lokhu kwaqala ikhefu lekhisimusi.
Amapholisa athi kusihlwa ngelanga elilandela elekhisimusi besekufe abantu abangamatshumi ayiskhombisa lane, 74. Phakathi kwabantu laba abalitshumi lanhlanu, 15 ngabafele eMasvingo. Isigaba semashonaland west lese Matabeleland North zibe labantu abahlanu ngasibaga sinye kuthi eharare kufe abantu abalitshumi.
Isigaba se Mashonalanda Central yiso esilenani eliphansi ngoba kufe umuntu oyedwa kuphela. Amapholisa kunye logatsha lwezokutshayela ngonanzelelo, iTraffic Saftey Council ikhuthaza abatshayeli ukuthi bengatshayeli izimota ngesiqubu, ikakhulu ebusuku.