Kubikwa kulezizalwane zeZimbabwe ezitshaywe kakubi ngamapholisa ezinye zalimala emngceleni we Beitbridge Border Post zizama ukuchaphela kwele South Africa, kulandela ingxabangxoza esaqhubeka kulumgcele.
Amapholisa kanye leziphathamandla zikahulumende we South Africa, abikwa ethwalise amagabha avuzayo labo ababacabangela ukuthi basebenzisa incwadi zokuhambisa ezingatholwanga ngokusemthethweni.
UMnumzana Mncedisi Bhebhe, ochaphe e Beitbridge esiya eSouth Africa, utshele uSithandekile Mhlanga we studio 7 ubunzima abhekane labo kulumngcele.