amalinks wokungena

Breaking News

Amapholisa eFilabusi Acitha Umhlangano weNCA


Amapholisa eFilabusi acithe umhlangano obuqoqwe yinhlanganiso edinga ukulotshwa kutsha kwesisekelo sombuso, iNational Consitutional Assembly, i NCA, ndoLweSithathu esithi lumhlangano ubungaphiwanga imvumo yibo.

Lumhlangano ungomunye yemihlangano eqoqwa yiNCA elizweni jikelele yokulungiselela uzulu ukuthi angemukeli isisekelo sombuso esitsha esilotshwa phansi kohlelo oluqutshwa nguhulumende.

I NCA ithi ifuna ukuthi uzulu abe nguye okhokhela loluhlelo hatshi uhulumende njengalokhu okwenziwayo. UMadhuku utshele iStudio 7 ukuthi okubamangalisileyo yikuthi sebenze imihlangano efanayo ezigabeni zeMashonaland leHarare bengabanga lodubo lokuhlukuluzwa ngamapholisa njengalokhu abakubone ngolweSithathu.

Umgcinisihlalo wohlangothi lwabatsha kuNCA, uMnu. Alois Dzvairo obelo Madhuku utshele uChris Gane oweStudio 7 ukuthi bamangaliswe yibunengi bamapholisa eze ukuzocitha lumhlangano.

‚Äč
XS
SM
MD
LG