Amapholisa abikwa esala ukupha imvumo uMnu. Abednico Bhebhe, owayemela isigaba se Nkayi South edale lephalamende, ukuthi enze imihlangano lozulu.
UBhebhe owayekucele le MDC elikhokhelwa nguMnu. Arthur Mutambara, lona eselamxotshayo, usehambise emthethwandaba udaba lokuthi amapholisa eNkayi amvimbe ukuqhuba umhlangano ko Dakamela kungelasizatho esiqinileyo.
UBhebhe uthi kusobala ukuthi kungabe kulokungathembeki okwenziwa ngamapholisa ngoba imihlangano yakhe igcwala abantu abazomlalela, kukanti eyebandla elamxotshayo yande ukuba lehlakana labantu.
UBhebhe utshele uSithandekile Mhlanga we Studio 7 ukuthi udaba lolu, oluphethwe ligqwetha uMnu. Kucaca Phulu, luzangena emthethwandaba ngoLweSine.