amalinks wokungena

Breaking News

Amapholisa Kavikelanga iMDC-T Ngoba Yayingawafuni - Charamba


Okwenze amapholisa angazihluphi ngokumisa udlakela oluqhamuke emhlanganweni weMDC-T ngempelaviki yikuthi lelibandla belithe aliwafuni amapholisa kulumhlangano, kutsho isikhulumeli sikaMongameli Mugabe.

Ibandla leli belimele lenze umhlangano walo enkundleni yeChibuku, eChitungwiza ngeSonto kodwa waphazanyiswa ngabasakhulayo beZanu PF wacina ungasenziwanga.

IMDC-T ithi amapholisa ayebukele abasekeli bayo betshaywa ngabasekeli beZanu PF.

Kodwa isikhulumeli sikaMugabe uMnu George Charamba uthi uMugabe utshele uTsvangirai emhlanganweni abawenze ngoMvulo ukuthi amapholisa amazise ukubana kangenelanga ngoba iMDC ibithe ayifuni kubona pholisa kulumhlangano.

Umsekeli wesikhulumeli seMDC-T uNkosazana Thabitha Khumalo utshele iStudio 7 ukuba imbiko kaCharamba le ingamanga.

XS
SM
MD
LG