Amatitshala asevumelane lohulumende ukuthi baphiwe imali ezathatha isikhundla saleyo ebibhadalwa ngabazali. Emhlanganweni owenzelwe eHarare ngolweSibili lomphathintambo wezemfundo, uMnu. David Coltart amatitshala, abenhlanganiso ezimela abazali ezikolo kunye leziphathamandla zogatsha lwemfundo, amatitshala atshengise ukwehlukana kombono phezu kodaba lolu.
Inhlanganiso ye PTUZ ithi yona abazali bengasahlawuli limali kodwa inhlanganiso ye Teachers’ Union of Zimbabwe ibisithi imali yama incentives ingasuswa amatitshala aze angezelelwe iholo.
Kuvunyelwene njalo ukuthi amatitshala afundisa emaphandleni aphiwe enye imali phezulu yokusebenzela kwabo emangweni.
UChris Gande weStudio 7 uxoxe lomkhokheli wenhlanganiso ye ZIMTA, uMnu. Sifiso Ndlovu ochasisa okunengi ngomhlangano wabo wangolweStihathu.