Kulandela uku vunyelwa kweZimbabwe ukuthi lithengise amadayimana alo yiKimberley Process, amazwe aphetsheya asekhankasela ukuthi amankampani engawathengi amatshe aligugu la ngoba esithi kwephulwa amalungelo abantu lapho esenjiwa.
Umgcinisihlalo we Kimberly Process, uMnu. Mathieu Yamba ubikwa esithi kuzahluzwa ukuthandabuza okungabe kukhona ngokuthi amadayimana ezimbabwe ahlanzekile kumbe hatshi.
Ingcwethi kwezonotho, uMnu. George Mkhwananzi utshele uSithandekile Mhlanga weStudio 7 ukuthi eleZimbabwe lizaswela umkambo wokuthengisa la amadayimana ngoba inengi lisazi ukuthi ibandla le ZANU PF lephula amalungelo oluntu.