Inhlanganiso elwela ilungelo lalabo asebephila legcikwane lengculaza i HIV le AIDS isinikeze ugwalo lwezikhalazo kuhulumende, ikhonona ngokusebenza kwenhlanganiso ye National Aids Council, ukusilela kwemitshina yokuhlola ukuthi umuntu ulegcikwane le HIV elingakanani emzimbeni amaCD4 count kanye lodaba lokusilela kwemithi yama Anti Retroviral.
Inhlanganiso ye Zimbabwe HiV and Aids Activists Union ZHAAU ikhala njalo ngokuthi asebephila legcikwane abasaphiwa ukudla okuqinisa imizimba. Umqondisi we National Aids Council udokotela Tapiwa Magure uthi inhlanganiso yakhe iphakathi kwemizamo yokuvuselela uhlelo lwama Food packs njalo ikhangelelwe ukuthenga imitshina emine yama CD4 count ezanikwa izibhedlela ezinkulu.
UBrenda Moyo weStudio 7 uxoxe lomqondisi wenhlanganiso ye ZHAAU uMnumzana Bernard Nyathi othi bakhangelele ukuthi uhulumende uzakwamukela izikhalazo ezethulwe yinhlanganiso yakhe azilungisise masinyane.
