Icele leMDC elikhokhelwa nguMnu. Arthur Mutambara lithi kalisoze lisekele omunye umuntu kukhetho oluzayo. Unobhala jikelele walelibandla, uMnu. Welshman Ncube utshele intathelizindaba ngeSonto koBulawayo ukuthi lelibandla lize lisekele uMnu. Simba Makoni lenza iphutha yikho ke kukhetho oluzayo bazazifakela elabo ilunga elizacintisa kukhetho lokudinga umongameli.
UNcube ukhangelelwe ukukhokhela lelibandla ngemva komhlangano waleli bandla okangelelwe ukwenziwa ekuqaleni komnyaka ozayo. Isikhulumeli salelbandla koBulawayo, uMnu. Edwin Ndlovu utshele uChris Gande owe Studio 7 ukuthi kukhetho olwedluleyo icele leMDC elikhokhelwa nguMnu. Morgan Tsvangirai lala ukuthi basebenzelani.