Ingcwethi ezicubungula ezombusazwe lezenotho ziyavumelana ukuthi impilo iguqukile yaba ngcono elizweni ngemva kokuvumelana kwamabandla ezombusazwe, abalisa amacele womabili e Movement for Democratic Change, kanye leZANU PF ukulobelana isivumelwano se Global Political Agreement ekuqaleni komnyaka.
Ngemva kwalesisehlakalo, kubikwa kuvulwe izikolo lezibhedlela, ezasezivaliwe, kwathi odokotela, abongi lababalisi abasebekhalele imisebenzi babuyela emisebenzini, ngoba sebeholiswa ngemali yakwamanye amazwe. Kwavulwa izitolo ezasezivaliwe, njalo lezo zitolo sezibonakala zigcwele impahla, kukanti ekuqaleni komnyaka zibe zithengisa inkuni kuphela kumbe zitshaya ibhungane.
Ukuze sizwe okunengi ngenguquko ebekhona ngomnyaka ka2009, kanye lokukhangelelwe ukwenzakala kumnyaka ka2010, uSithandekile Mhlanga we Studio 7 udinge imbono yesiphathamandla se National Association of Non-Governmental Organisations, NANGO, uMnumzana Peter Muchengeti, kanye lokaMnumzana Ambrose Sibindi, isiphathamandla se Bulawayo Progressive Residents Association, ngaloludaba.