Umphathintambo obona ngezemigodi uMnu Obert Mpofu uthi iliqiniso imbiko yokuba uhulumende uthengise amadayimana enjiwa eMarange kunsukwana ezedluleyo lanxa nje ebengelayo imvumo yeKimberley Process.
Isithunywa salinhlanganiso eZimbabwe uMnu Abbey Chikane nguye ovulele uhulumende amasango ukuba eqhubeke ngokuthengisa lawa madayimana.
Kodwa iKimberley Process ithi ibingamvumelanga uChikane ukuthi enze lokhu, njalo uthi ukuthengiswa kwamatshe la akukho emthethweni.
UMpofu utshele uNtungamili Nkomo weStudio 7 ukuba iZimbabwe izaqhubekela phambili ithengisa amadayimana ayo kungelani lokuthi iKimberley ithini, wathi nxa kuyikuxotshwa kunhlanganiso le, akubenjalo.
