Abaqoqa imbono kazulu kuhlelo lokulotshwa kutsha kwesisekelo sombuso bathe gwaqa ezigabeni ezitshiyeneyo zelizwe, belungiselela ukulolongela loluhlelo, ukwenzela ukuthi babe lolwazi olweneleyo lamaphepha eneleyo okuthi baqalise lumsebenzi ngoLweSithathu.
Imbono izathathwa ngesikhathi esifanayo emawardini atshiyeneyo elizweni lonke, njalo abezinkonzo, kanye lenhlanganiso ezizimeleyo bancedisa uhulumende ngokwazisa abantu ngalapho okubuthanwa khona.
USithandekile Mhlanga we Studio 7 uxoxe lomsekeli kamgcinisihlalo wekomidi ebona ngokulotshwa kutsha kwesisekelo sombuso, uNkosikazi Gladys Gombami, ukuze sizwe okunengi okwenzakalayo ngaloluhlelo.