UMongameli Robert Mugabe ukhuthaze uzulu weZimbabwe ukuthi abambane njalo alondoloze ukuthula ukuze kube lengqubela phambili kanye lentuthuko elizweni.
Ekhuluma emngcwabeni kaNkosikazi Ntombiyelanga Takawira emathuneni awe Heroes Acre ngoMvulo, uMongameli Mugabe uthe zulu kumele njalo avikele ukubuyiselwa kwelizwe kubahuquluzi bomhlabathi. Usole iMelika leBhilithani esithi angenela kakhulu kundaba zeZimbabwe.
UMugabe uncome uNkosikazi Takawira esithi utshengise ukuzinikela okukhulu ngesikhathi sempi yenkululeko ngokubambana lamaqhawe amanengi emizameni yokukhulula ilizwe embusweni wabelungu, kubike intatheli yethu uMark Peter Nthambe.
Ingcwethi ecubungula ezombusazwe uMnu Immanuel Hlabangana utshele uNtungamili Nkomo weStudio 7 ukuthi ayajabulisa amazwi kaMongameli Mugabe, kodwa uthi kavumelani lensolo yakhe yamazwe afana leMelika leBritain.
