Uhlelo lokuqoqa imbono kazulu ezangena kusisekelo sombusa esitsha luqhubeka kuhle kwezinye izigaba zelizwe lanxa abaluqhubayo bekhonona ngokuswelakala kwemali.
Kwezinye izigaba zelizwe kubikwa kulokwethuselana phakathi kwamalunga amabandla ezombusazwe kanye labantu makhaza. UMnu. Albert Mhlanga, okhokhela iqembu eliseBinga, utshele uSithandekile Mhlanga weStudio 7 ukuthi uhlelo lolu lokhu luqhubeka kuhle kulesisigaba.
Iqula lekhomithi yephalamende eloba kutsha isisekelo sombuso welizwe elisebenzela ezansi kweMaNdebeleni lithi selithole ubufakazi bokuthi abantu, ikakhulu e Insiza, bayethuselwa ngamalunga athile e ZANU PF kanye labalwa impi yenkululeko ukuze bengayi emihlanganweni.
Labo abavunyelwa ukuhamba bayatshelwa ukuthi bethini emihlanganweni le njalo batshelwa amanga ngezikhathi lezindawo okwenzelwa khona imihlangano.