Inhlanganiso ye European Union ithi iziphathamandla zeZanu PF ezafakelwa izijeziso yilumanyano zilakho ukuthi zicele zingamalunga azimeleyo ukubana zikhitshwe kuluhlu lwezijeziso lezi.
I EU ithi lowo lalowo ofuna ukususwa kuluhlu lwezijeziso, kumele aze lezizatho ezichasisa ukubana kungani engafanelanga ukuba kulolu luhlu.
Kodwa abeZanu PF bathi abasoze bazihluphe ngalokhu, besithi bafuna izijeziso lezi zesulwe ngokugcweleyo.
I EU itshele iqula leZimbabwe ngenyanga edluleyo emhlanganweni wokuzama ukuvuselela ubudlelwano phakathi kwayo leZimbabwe ukuthi ifuna uhulumende agcwalisise zonke inhlamvu zesivumelwano seGlobal Political Agreement.
Kunjalo nje isithunywa sikaMongameli Jacob Zuma uMnu Mac Maharaj ofike elizweni ngoMvulo uhlangene lenhloko kahulumemde uMnu Morgan Tsvangirai bekhulumisana ngokuhluphayo kuhulumende njalo ubekhangelelwe ukuhlangana loMongameli Robert Mugabe kanye loMnu Arthur Mutambara.
