Inhlanganiso ebona ngokuqhutshwa kokhetho eyeZimbabwe Electoral Commission ithi iqalisile ngoLwesithathu uhlelo lwe voter registration exercise kanye lolwe voters roll inspection, ukwenzela ukuthi abalelungelo lokuvota bebhalise, lababhalisayo babeleqiniso lokuthi amabizo abo akhona kugwalo lwe voter’s roll, njengoba ukhetho oluzaqhutshwa ngenyanga kaNhlangula olokudinga amalunga edale lephalamende solusondele.
Abanye abancintisa kulolukhetho abakhulume leStudio 7 bathi abantu abazangangobunengi babo kuloluhlelo ngoba besithi abakwazi ukuthi lukhona.
UMnu. Believe Gaule, ongomunye wabakhankasela ozancintisa kukhetho lokudinga ozamela iTsholotsho North edale lephalamende, uMnu. Jonathan Moyo utshele uSithandekile Mhlanga weStudio 7 ukuthi bahlangane laye uMnu. Moyo lamuhla belungiselela ukhetho, njalo sebeqalisile ukukhuthaza abalelungelo lokuvota ukuthi baphatheke ngobunengi babo kuhlelo lwevoter registration exercise.
