amalinks wokungena

Uhlelo LweNew Curriculum Alusoze Lwesulwe: Mavima

  • Sithandekile Mhlanga

girl school children

Inengi labazali lababalisi ebelisola kakhulu Ioluhlelo lijabule kakhulu kunsukwana ezedluleyo lisizwa ukuthi uMnu. Dokora kaseyikuphatha ugatsha lwezemfundo.

Umphathintambo wezemfundo omutsha usikhwicamfundo Paul Mavima ubikwa esithi uhlelo lwezifundo olwe new curriculum olusungulwe nguMnu. Lazarus Dokora esabambe intambo zalolugatsha luzaqhubekela phambili ezikolo ngoba lwavunyelwana kuhulumende phansi kohlelo lweNziramasanga Commission ngomnyaka ka 1998.

UMnu. Mavima utshele amaphephandaba kahulumende ukuthi uxwayisa umphakathi ukuthi ananzelele ukuthi uhlelo lwe curriculum entsha alusoze lwesulwe njalo uhulumende usekhuphe imali eyizigidi eziyisitshiyagalolunye ukuthi isetshenziswe ezikolo zemaphandleni ngendlela yokuluthuthukisa.

Inengi labazali lababalisi ebelisola kakhulu Ioluhlelo lijabule kakhulu kunsukwana ezedluleyo lisizwa ukuthi uMnu. Dokora kaseyikuphatha ugatsha lwezemfundo.

Abanye abakhulume lentathelizindaba zeStudio 7 besebetshayele umongameli Mnangagwa ihlombe besithi uzwile ukukhala kwabo nge new curriculum lokunye, yikho ekhuphe uMnu. Dokora kulolugatsha.

Asizweni amazwi abo.

Silokhu sikudaba lunye, sixoxe lengcwethi ecubungula ezombusazwe uMnu. Zenzele Ndebele ukuze sizwe imbono yakhe ngaloludaba. UMnu Ndebele utshele uSithandekile Mhlanga weStudio 7 ukuthi abantu abazwisisanga ukuthi uMnu. Dokora ususelweni esikhundleni sakhe.

Facebook Forum

XS
SM
MD
LG