Uhulumende wele Iran ubikwa selobelane isivumelwano sokusungula inkampani ezalungisa indidzamtshina zohlobo lwama helicopter lohulumende wele Zimbabwe.Inkampani le ibikwa izabe inkulu okumangalisayo ngoba ikhangelelwe ukusungulwa ngezigidi lezigidi zamadollar eMelika.
Ingcwethi ezicubungula ezobudlewano bamazwe atshiyeneyo, zithi inyathela leli lizakwenza kubenzima ukuthi eleZimbabwe lithole uncedo lwamazwe angentshonalanga ngoba ele Iran lingelihlezi liphoselana aqatha lamanye amazwe ngenxa yohlelo lwayo lokulungisa izikhali zamandla enuclear lokubusa ilizwe ngocuku.
Ingcwethi ecubungula ezombusazwe, uMnu. Bekithemba Mhlanga utshele uChris Gande weStudio 7 ukuthi uhulumende we Zimbabwe usezathola ixetsha lokutshengisa amazwe angentshonalanga ukuthi ulabo laye abangange.
