amalinks wokungena

Breaking News

EleGermany Likhonona Ngokuthunjwa Kwamapulazi Ezizalwane Zalo


EleGermany selilobele uhulumende incwadi likhonona kakubi ngokuthunjwa kwamapulazi ezizalwane zalo, lisithi eleZimbabwe lephula isivumelwano esikhona phakathi kwamazwe womabili.

IGermany ithi kulezizalwane zayo ezithile ezithathelwe amapulazi ngabacatshangelwa ukuthi ngabasekeli beZanu PF eMutare ensukwini ezisanda kwedlula. Ithi njalo uhulumende kumele akumise lokhu nxa efuna ukuthi ubudlelwano bamazwe womabili buqhubeke.

IGermany ixwayise njalo ukuthi ilakho ukungafaki imali esikhwameni semulti-donor trust fund njengokwethembisa kwayo ekusungulweni kwalesisikhwama nyakenye. Ukuthunjwa kwamapulazi abalimi abamhlophe kubikwa kuqhubeka endaweni ezitshiyeneyo zelizwe.

UNtungamili Nkomo weStudio 7 uxoxe lengcwethi ecubungula ezombusazwe uMnu Mandlenkosi Gatsheni yena othi uhlelo lokuthunjwa kwamapulazi kumele lumiswe.

‚Äč
XS
SM
MD
LG