Inhlanganiso ekhankasela ukulondolozwa kwelungelo loluntu emhlabeni jikelele iHuman Rights Watch isisole kakhulu uhulumende weSouth Africa ngokwehluleka ukubamba uhulumende weZimbabwe ngamandla ukuthi ahloniphe ilungelo loluntu.
Embikweni ewethule ngoMvulo, inhlanganiso le ithe lanxa incomeka imizamo enziwa yiSouth Africa yokulungisisa udaba lweZimbabwe, kuyadanisa ukuthi uhulumende kaMongameli Jacob Zuma kazihluphi ngokusola uhulumende weZimbabwe lapho esephula amalungelo kazulu.
Isiphathamandla seHuman Rights Watch ezwekazi leAfrica uNkosazana Tiseke Kasambala utshele lumsakazo ukuba eleZimbabwe liqhubeka liwephula amalungelo oluntu, okuyimbiko egcizelelwe yingcwethi ecubungula ezombusazwe uMnu George Mkhwanazi.
