EleZimbabwe libikwa lilahlekelwe yizigidi ezilitshumi zamadollar-US$10million ngokwehluleka ukuthengisa impondo zalo zendlovu ezibikwa sezifike kusisindo sama kilograms azinkulungwane ezingamatshumi edlula amane-42,000kg.
EleZimbabwe livinjwe ukuthengisa impondo zendlovu okweminyaka eyisitshiyagalolunye yinhlanganiso ebona ngokulondolozwa kwenyamazana zasendle eyeConvention on International Trade in Endangered Species- iCITES.
Kodwa iziphamandla zeZimbabwe National Parks and Wildlife zithi azilaqiniso lokuthi eleZimbabwe lizavunyelwa ukuthengisa impondo zendlovu ngomnyaka ka 2016 lapho kuphela isikhathi elimiswe ukwenza lokhu.
UBrenda Moyo weStudio 7 ukhulume lengcwethi kwezenotho uMnumzana Walter Nsununguli Mbongolwane othi eleZimbabwe lilendlovu ezinengi kakhulu kodwa alivunyelwa ukuthengisa impondo zazo ngoba kungamemethekisa ukuzingelwa kwazo okungekho emthethweni.
