EleZimbabwe namhla limanyane lamanye amazwe ekunanzeni ilanga labalesimo esithiwa yi Downs Syndrome esihlasela umuntu engakazalwa.
Kulamazwe angamatshumi ayisithupha ananza lelilanga emhlabeni jikelele. Lumnyaka indikimba yalelilanga ngethi My Friends My Community okutsho ukuthi abangane bami esigabeni sami.
Omela inhlanganiso ye Zimbabwe Down Syndrome Association uNkosikazi Sibusisiwe Bonnie Mazula utshele iStudio Seven ukuthi uzulu kumele akhuthazwe ukungabandlululi abantu abale Downs Syndrome.
Kutsho uMazula: "Idowns sydnrome kayisomkhuhlane kwenzakala umuntu esesiswini azalwe ele downs syndrome, kayisomkhuhlane njalo idowns syndrome amahofisi ayo ase Makokoba."
Uthi lanxa engaphiwa iholo bayazama ukuphathisa abale downs syndrome. Bebaphathisa ngendlela ezinengi ezitshiyeneyo.
UMazula ulomntwana ole downs syndrome oleminyaka engamatshumi amathathu lanye.
Ephendula umbuzo wokuthi uphatha njani idowns syndrome lokuthi wathi eqala ukuzwa ukuthi umntwana wakhe ule downs syndrome wenzani uMazula uthi: "Kwabanzima ngiqala ukukuzwa. Njengomuntu omnyama ingqondo ziyagijim ukuthi kanti ngiloyiwe, kubelonto ezinengi ezibuya engqondweni. Kodwa ngathi sengikwamukele abanye abami bathatha isikhathi ukuthi bakwamukele."
