amalinks wokungena

Breaking News

EleZimbabwe Linikwa Imvumo Yesikhatshana Yokuthengisa Kungelamigoqo Amadayimana eMarange


Inhlanganiso ezizimeleyo zibikwa zikhalele lumhlangano zaphuma ungakapheli ziphikisa lesisinqumo kanye lamazwi kamphathintambo obona ngezemigodi uMnu. Obert Mpofu izolo abesethuka amazwe aphetsheya.

EleZimbabwe linikwe imvumo yokuthengisa amadayimana alo enjiwa eMarange yinhlanganiso ye Kimberley Process Certification Scheme kungelamigoqo. Limvumo inikwe emhlanganweni ophele eKinshasa, eDemocratic Republic of Congo ngolweSine. IZimbabwe izasebenzisa amankampani agoqela eyeMbada leMarange Resources.

Abazi ngokwenzakale kulumhlangano bathi khona kuzakwethulwa umbiko osemthethweni iCommunique njalo amazwe agoqela ele Melika le Canada alile ukusayina lolugwalo.

Inhlanganiso ezizimeleyo zibikwa zikhalele lumhlangano zaphuma ungakapheli ziphikisa lesisinqumo kanye lamazwi kamphathintambo obona ngezemigodi uMnu. Obert Mpofu abesethuka amazwe aphetsheya.

UMnu. Effie Dlela-Ncube, ingcwethi ecubungula ezombusazwe utshele uSithandekile Mhlanga weStudio 7 ukuthi isinqumo lesi sihle nxa eleZimbabwe lingasoze lisebenzise inzuzo eliyithola kula amadayimana ukuhlukuluza abantu.

XS
SM
MD
LG