amalinks wokungena

Breaking News

EleZimbabwe Lithi Lifuna Ukuthengisa Amadayimana Alo Likhululekile, Lingeluswa


EleZimbabwe lithi lilenjongo yokuqala ukuthengisa amadayimana alo akoMarange kunsukwana ezilandelayo ngoba selilandele lagcwalisa iziqondiso zenhlanganiso yeKimberly Process.

Umphathintambo wezemigodi uMnumzana Obert Mpofu osemhlanganweni weKimberly Process oqale ngoMvulo kwele Israel uthi eleZimbabwe alisamelanga liqhubeke lelusiwe, ekuthengiseleni amanye amazwe omhlaba amadayimana alo.

UMpofu utshele intathelizindaba eIsrael ukuthi ilizwe lilamadayimana angaba yisilinganiso samacarats ayizigidi ezinye lenxenye- 4.5 million carats amelele ukuthengiswa.

Umhlangano lo ungenwa ngabameli bamazwe edlula amatshumi amane abagoqela inhlanganiso ezizimeleyo, abe European Union, World Diamond Council lezinye inhlanganiso.

Uqhutshwa ngasikhathi sinye inhlanganiso yeHuman Rights Watch yethule umbiko wokuthi iKimberly Process ayimelanga ivumele eleZimbabwe ukuthengisa amadayimana alo kungakalungisiswa udaba lokwebiwa kwamadayinama akoMarange, kanye lodaba lokulondolozwa kwamalungelo abantu.

Ekhuluma lomsakazo weStudio 7 engakayi emhlanganweni we Israel uMnumzana Mpofu uthe uzahlangana labavela kwamanye amazwe abaphikisa ukuthi eleZimbabwe livunyelwe ukuthengisa amadayimana alo azame ukubabonisa iqiniso ngokwenzakala eZimbabwe. UMpofu uyayilandula njalo imibiko yokwephulwa kwelungelo loluntu eMarange.

Okuhambelana lalokhu

‚Äč
XS
SM
MD
LG