Emhlanganweni oqoqwe yinhlanganiso ye Media Institute of Southern Africa- Zimbabwe, ingcwethi kwezokwethulwa kwezindaba zithi umncintiswano kwezokusakaza yiyo indlela kuphela engaletha inguquko kwezokwethulwa kwezindaba okulohlonzi ikakhulu kwezokusakaza. Lezi ngcwethi zithi ukuze linguquko ibe khona kumele kube lokuguquka kwenqondo yabantu kwezombusazwe. Ukuzinikela kwabezombusazwe kubikwa lakho kuqakathekile ukuze linguquko ifezeke. Kubika intathelizindaba yeStudio 7 uMavis Gama.
Kusenjalo, inengi labantu lithi lanxa uhulumende wavumela amanye amaphephandaba azimeleyo ukuthi asebenze, indaba ezimunyethwe yi The Daily News azisafani lezakuqala iphephandaba leli lingakavalwa ngoba kusobala ukuthi zilotshwa kulokwesaba.
UMnu. Ambrose Sibindi, isiphathamandla se Bulawayo Combined Residents Association utshele uSithandekile Mhlanga weStudio 7 ukuthi kulenguquko encinyane kakhulu kwezokwethulwa kwembiko lokhu kwabunjwa uhulumende womanyano.