Umsebenzi wokulima ubikwa uthuthukile okwamagama kuwonal' umnyaka, isivuno saqonga okwakuqala eminyakeni eyisitshiyagalolunye edluleyo. Lokhu kubikwe ngumphathintambo wezemali, uMnumzana Tendai Biti.
Embikweni awethule ngeviki edluleyo wokuqoqa indlela zokuvuselela umnotho welizwe okweminyaka emithathu elandelayo, oluthiwa three year Macro-economic policy and budget frame work for 2010 to 2012, u Biti uthi isivuno siqonge kulandela ukuna kuhle kwezulu, lokutholakala kwenhlanyelo lemvundiso.
Kodwa ingcwethi kwezokulima zithi kunengi okungenziwa ukuthi ilizwe lenelise ukuthola isivuno esiphezulu, abantu bathole ukudla. UMnumzana Mandla Nkomo yingcwethi kwezokulima.
UNkomo utshele UBrenda Moyo oweStudio 7 ukuthi uhulumende kumele aqoqe uhlelo olucacileyo lwezokulima.
