amalinks wokungena

Breaking News

I ARDA Ivumela Abamabhizimisi Ukusebenzisa Amapulazi Ayo


Ngenxa yenkuthazo evele kumacele womabili eMDC inkampani kahulumende eye Agriculture and Rural Development Authority- ARDA isivumile ukunika abamankampani azimeleyo imvumo yokusebenzisa amapulazi ayo, akade engasebenzi okweminyaka eminengi.

Abazangena emapulazini la bazahlawuliswa imali ethize nyanga zonke. Esinye isiphathamandla se ARDA esingathandanga ukuqanjwa ngegama sitshele iphephandaba lebulenjini eleZimonline ukuthi i ARDA isifuna amapulazi ayo asebenze okugcweleyo kuqakamiswe ezokulima elizweni.

Isiphathamandla lesi sithe i ARDA izaqhubela amankampani la amapulazi angaba ngamahectares azinkulungwane ezine- four thousand hectares, atholakala elizweni lonke jikelele.

Ingcwethi kwezokulima engumsekeli wesikhulumi secele leMDC elikhokhelwa nguMnumzana Arthur Mutambara, uMnumzana Renson Gasela uthi uzulu jikelele ukhululekile ukungena kulamapulazi.

‚Äč
XS
SM
MD
LG