Iqembu leBantu Rovers liqhubeke liwisa ezimathonsi ngoLwesihlanu ngemva kokubhuqwa nge 4 ka 1 yiGunners emdlalweni wePremier Soccer League odlalelwe enkundleni yeRufaro eHarare.
Iqembu leli yilo elisemsileni wengalane yemiklomelo njalo ngelinye lamaqembu akhanya elakho ukugunyulwa kuPremier League lonyaka.
Imidlalo ekhona ngoMgqibelo imi kanje – iLenghtens izadlala leHwange enkundleni yeRufaro, iKiglon yona izadibana leDouglas Warrious eRudhaka kuthi iBlack Mambas ingqikilane le Motor Action.
NgeSonto iHighlanders izadlala leMonomotapa eBabourfields.
I Shabanie Mine izadibana leFC Victoria eMaglas Stadium, iDynamos yona izabhuqana leCaps United eRufaro kuthi iShooting Stars idibane leEagles eGwanzura.
Umgcinisihlalo weHighlanders, uThemba Ndlela utshele lumsakazo ukuba iqembu lakhe likhangelele ukuqeda imidlalo yalonyaka lingelesibili kungalane yemiklomelo.
